Rrethi i Gjilanit në revolucionin xhonturk (tubimi i Ferizajt 5-23 korrik 1908)

Abstract

Në bazë të dhënave të kohës, shihet se shqiptarët e rrethit të Gjilanit, që në gjysmën e dytë të janarit 1908 ishin përleshur me organet e pushtetit lokal, kishin mbyllur pazarin (tregun) dhe kërkonin me ngulm ndërrimin e kajmekamit. Për t’u ikur konflikteve më të mëdha dhe për t’i qetësuar shqiptarët, sulltani kishte dhënë urdhër për ndërrimin e kajmekamit. Nga raportet e konsullit të Serbisë në Prishtinë del se, përkundër ndërhyrjeve të pushtetit qendror osman me qëllim të qetësimit të shqiptarëve, gjatë muajve të pare të vitit nuk po pushonin trazirat dhe konfliktet e popullsisë së kësaj ane me organet e pushtetit lokal.