Prizreni në rrjedhat historike nga vitet e 70-ta të shek. XIV deri në vitin 1459

Prizreni qendër e rëndësishme në shtetin arbëror të Balshajve

Abstract

Shteti arbëror i Balshajve doli si një formacion shtetëror feudal me rol të rëndësishëm politik në trojet e Shqipërisë së sotme të Veriut në fillim të viteve të 60-ta të shek. XIV. Në këtë kohë ai u bë një faktor me peshë në jëtën ekonomike-politike e ushatrake edhe për fuqitë fqinje, si dhe për Raguzën e Venedikun, që kishin pasur me kohë interesa të shumëllojta në territorin që mbulonte shteti i Balshajve.
Terri tori dhe pushteti perandorak që krijoi Car Dushani pësuan humbje të mëdha pas vdekjes së tij (1355). Mungesa e personalitetit të tij i çliroi sundimtarët krahinorë prej pushtetit të tij qëndror. Pasardhësi i Dushanit, perandori Uroshi i dobët nuk arriti të pengojë shfaqjen e separatizmit te një varg i tërë feudalësh, të cilët sundonin gati të pavarur në krahinat e tyre. Kështu, nga gërmadhat e perandorisë së Car Dushanit, siç shkruan një kronist bizantin, u krijuan «disa mijëra copëra, të cilat u deklaruan të pavarura nën princat feudalë vendës ».