Disa aspekte të marrëdhënieve feudale në zonën e Shkodrës gjatë sundimit venecian

(Në bazë të të dhënave të Kadastrës së Shkodrës dhe regjistrit të koncesioneve)

Abstract

Në këtë punim do të marrim në shqyrtim një problem që e konsiderojmë për arsyet që do të themi më poshtë, të rëndësishëm, aq më tepër kur në historiografinë shqiptare dhe atë të huaj, në përgjithësi, ai nuk është shtruar si objekt studimi më vete. Fjala është për disa aspekte të zhvillimit të marrëdhënieve feudale në zonën e Shkodrës gjatë sundimit venecian, ku jemi përpjekur të japim një kuadër më të plotë në lidhje me llojet e pronësisë mbi tokën, si dhe me pozitën dhe funksionin e përfaqësuesve të pushtetit lokal venecian në trevën e Shkodrës, që prezantohej prej figurës së proniarit, kreut dhe urdhëruesit, dallimeve midis tyre, si dhe ndryshimet që ata pësuan në krahasim me periudhën bizantine.
Për realizimin e këtij punimi, dokumenti kryesor dhe më i plotë është “Regjistri i Kadastrës dhe i Koncesioneve për rrethin e Shkodrës 1416-1417”.