Elipsa në sintaksën shqipe

Kuptimi i përgjithshem i elipsës

Abstract

Të flasësh për kuptimin e përgjithshëm të elipsës nuk është e mundur pa u nisur nga koncepsioni i përgjithshëm që ke mbi sintaksën në veçanti dhe mbi raportin e gjuhës me mendimin në tërësi.
Në letërsinë tonë gramatikore nuk ka mjerisht asnjë material teorik mbi këtë çështje. Prandaj, me qëllim që të mund të përcaktojmë parimin e përgjithshëm linguistik, mbi të cilin e mbështetim fenomenin e elipsës, ne jemi të detyruar të drejtohemi, brënda mundësivet tona materiale, nga burime të huaja.
Së pari, duhet të mbahet parasysh nga lexonjësi se ne e shqyrtojmë këtu fenomenin e elipsës vetëm në terenin e sintaksës dhe jo në terenin e gramatikës në përgjithësi. Një kufizim i tillë i çështjes për ne është plotësisht i mundshëm, për arësye se sintaksa, si pjesë e gramatikës dhe ne tërësinë e shkencavet gjuhësore, ka ekzistencë më vehte.