Të dhëna bibliografike rreth traditës popullore për Skënderbenë

Abstract

Me të dhënat bibliografike që jepen më poshtë nuk mund të jepet një bibliografi e plotë e materialeve dhe punimeve të botuara rreth traditës popullore për heronë tonë kombëtar, por më shumë një kontribut drejt këtij qëllimi. Këto shë- nime janë më tepër të dhëna të grumbulluara gjatë shfrytëzimit të letërsisë për studimet e përgatitura në kuadrin e jubileut të 500-vjetorit të vdekjes së Skënder- beut. Ato nuk paraqesin pra një punë kërkimore sistematike për hartimin e një bibliografie të plotë e të hollësishme. Ne jemi përpjekur të konsultojmë drejtpër- sëdrejti letërsinë përkatëse dhe të bëjmë një vjelje të rregullt të materialeve që nevojiteshin për këtë bibliografi. Kur nuk kemi pasur mundësi të bëjmë një punë të tillë nga mungesa e veprave etj., jemi detyruar të paraqesim vetëm informacio- nin bibliografik me shpresë që në një ribotim të bëjmë plotësimet dhe saktësimet e duhura. Në këto shënime kemi përfshirë edhe botimet e vitit vijues (botimet që kemi mundur të kapim deri në kohën e përgatitjes së këtyre shënimeve), meqenëse gjatë këtij viti jubilar janë botuar mjaft materiale të rëndësishme.