Ta shohim në mënyrë dialektike çështjen e përcaktimit të parimeve dhe rregullave të drejtshkrimit te gjuhës shqipe

Abstract

Inisiativa e Institutit të historisë dhe të gjuhësisë për hartimin e një projekti të rregullave të drejtshkrimit të gjuhës shqipe, si dhe puna e kryer në këtë drejtim, duhet lavdëruar si një përpjekje dhe kontribut i shquar në detyrën e madhe, të rëndësishme dhe të ndërlikuar të normimit dhe njësimit të gjuhës sonë. Pasi studjuam me vëmendje projektin, si dhe vërejtjet e bëra nëpër diskutimet e ndryshme, kemi arritur në përfundimin se krahas zgjidhjeve të drejta e të padiskutueshme, që pa dyshim përfshijnë shumicën dërmuese të çështjeve, në projekt dhe në diskutimet nuk mungojnë edhe zgjidhje të padrejta e të pagoditura. Për disa zgjidhje të tilla e përdisa të tjera që nuk na duken të plota, si dhe për ndonjë çështje që nuk është trajtuar fare, dëshirojmë të çfaqim këtu disa nga vërejtjet dhe mendimet tona kryesore.