Rreth problemeve të normes ne lëmin e fonetikes së shqipes së sotme letrare

Abstract

Studimi i problemeve të gjuhës letrare, përcaktimi dhe argumen- timi teorik i normës letrare sot përbën një detyrë të ditës me rëndësi të madhe praktike, prandaj këtu është përqëndruar vëmendja kryesore e gjuhësisë shqiptare. Në këtë artikull ne do të analizojmë sistemin fonetik të shqipes së sotme letrare, vështruar në dy aspekte kryesore: I. Tiparet fonetike të gjuhës letrare lidhur me bazën dialektore, mbi të cilën ngrihet kjo gjuhë dhe me normat e shqiptimit. II. Marrëdhënjet midis formës së shkruar dhe formës së folur të gjuhës letrare, përputhjet dhe dallimet e tyre. Natyrisht, këto përbëjnë dy aspekte të një problemi të vetëm, prandaj shpesh është e vështirë të vihet një kufi i prerë midis tyre.