Mbi rolin e luftës nacionalçlirimtare për zhvillimin e lëtersisë shqiptare

Abstract

Problemi i rolit që luajti Lufta nacionalçlirimtare në zhvilli- min e letërsisë shqiptare pothuajse nuk është studjuar. Për rëndësinë e kësaj ngjarje historike në jetën e letërsisë është folur kalimthi në arti- kuj përkujtimorë ose në referate, kushtuar zhvillimit të letërsisë së sotme. 1 Sqarimi i problemit të ndikimit që pati lëvizja revolucionare antifashiste për procesin historiko-letrar ka rëndësi, sepse lidhet me ndriçimin e një varg problemesh të historisë së letërsisë së re shqiptare. Lufta nacionalçlirimtare ishte një ngjarje me rëndësi të madhe his- torike në jetën e vendit. Ajo ndryshonte nga lëvizjet e mëparshme çli- rimtare jo vetëm nga përpjestimet e gjëra që mori dhe nga vetëdija e lartë politike e masave, por — dhe kjo ishte themelore — nga rezultatet që arriti. Përmbajtja kryesore e saj ishte zhdukja e skllavërisë fashiste, përmbysja e klasave të vjetra sunduese, që u bashkuan me pushtuesit e huaj dhe vendosja e pushtetit të popullit. Rëndësia historike e kësaj ngjarjeje është përcaktuar qartë nga shcku Enver Hoxha, i cili ka thënë: «Lufta nacionalçlirimtare është shfaqja më e ndritur e historisë së popullit tonë shqiptar, pse ajo çliroi njëkohësisht atdheun nga zgjedha e okupatorëve fashistë, dërmoi përgjithmonë klasat sunduese feudalo-borgjeze, i dha pushtetin popullit».