Enver Muhametaj (1943-2023)

Abstract

Para pak kohësh u nda nga jeta prof. dr. Enver Muhametaj. Ai u lind në Vlorë, më 14.09.1943. Studimet e larta për gjuhë shqipe dhe ruse i kreu në Universitetin e Tiranës. Prof. Muhametaj ishte specializuar në fushën e studimit të teorisë së letërsisë e studimit të mendimit letrar dhe estetik shqiptar. Në rrugën e rritjes profesionale ai fitoi tituj dhe grada. Gradën më të lartë "Profesor" e fitoi në vitin 2009. Në fushën e drejtimit dhe të funksioneve shkencore mund të përmendim ndër të tjera: Kryeredaktor i revistës “Studime Filologjike” të Institutit të Gjuhësisë dhe të Letërsisë nga viti 2008, Përgjegjës i Departamentit të Historisë së Letërsisë Shqiptare (1993-1998), Kryetar i Këshillit Shkencor të Institutit të Gjuhësisë dhe të Letërsisë Prej vitit 2008), Drejtor i Institutit të Gjuhësisë dhe të Letërsisë në QSA nga 2008 – 2012.