Seminari VIII ndërkombëtar i Albanologjisë “Kultura shqiptare – pjesë e pashkëputshme e kulturës evropiane”

Abstract

Në 25-26 shtator 2014 në Tetovë, Universiteti Shtetëror i Tetovës organizoi Seminarin VIII Ndërkombëtar të Albanologjisë “Kultura shqiptare – pjesë e pashkëputshme e kulturës evropiane”. Në të morën pjesë studiues dhe shkencëtarë të njohur e të rinj nga Shqipëria, Kosova, Maqedonia, Gjermania etj. Sesionet shkencore të gjuhës dhe letërsisë u mbajtën në 26 shtator. Në sesionin e gjuhës u ligjërua mbi temën “Arritje dhe probleme aktuale e historike të gjuhës shqipe”, ndërsa në sesionin e letërsisë u ligjërua mbi temën “Relacionet e letërsisë shqipe me letërsinë e përbotshme”.