Ludmila Buxheli, formimi i foljeve në gjuhën e sotme shqipe, Akademia e Shkencave e Shqipërisë, Tiranë, 2008, 373 f.

Abstract

Monografia e Ludmila Buxhelit mbi formimin e foljeve në gjuhën e sotme shqipe është e para e këtij lloji në gjuhësinë shqiptare. Deri në vitin 2008, kur u botua kjo vepër, njohuritë rreth formimit të foljeve ishin të shpërndara nëpër gramatika e punime të ndryshme. Prandaj, me të drejtë, autorja thekson në parathënie se synon të plotësojë një boshllëk në fushën e studimeve për formimin e foljeve (Buxheli 2008: 9). Duke pasur parasysh që formimi i pjesëve të ligjëratës ka të bëjë edhe me krijimin e fjalëve të reja, si një nga aspektet gjuhësore kryesore në procesin e komunikimit, ky punim u shërben jo vetëm gjuhëtarëve, por gjithë atyre që punojnë me gjuhën e shkruar. Së bashku me monografinë paraprijëse të E. Hysës për formimin e emrave u përgjigjet në plan të gjerë dhe praktik nevojave të përdoruesve të gjuhës.