Personazhet jo tipike të autorit Dritëro Agolli

Abstract

Krijimtaria letrare dhe veprimtaria publike e Dritëro Agollit shtrihen nga mezi i shek. XX deri në ditët e sotme. Nëse shtrirja kohore ka linearitetin e zakonshëm astronomik, e parë si kohë kulturore, e parë si paradigmë ligjërimore, kemi denduri të pazakonshme. Jeta aktive e D. Agollit përkon me ngritjen deri në zenit dhe konsolidimin e padiskutueshëm të metodës së realizmit socialist; përkon me ndalimin deri në herezi të literaturës më të mirë perëndimore europiane e asaj botërore; përkon me ndalimin e mëtejshëm të autorëve të mëdhenj shqiptarë të traditës; përkon me ndalimin e mjaft autorëve të rinj, bashkëmoshatarë me të, e disa edhe më të rinj se vetë Agolli, autorë të përjashtuar nga veprimtaria botuese, të përndjekur e të ndëshkuar si njerëz, deri në humbje jete.