Lashtësia e eposit të kreshnikëve nëpërmjet arkaizmave gramatikore

Abstract

Letërsia artistike popullore është krijuar nga autorë anonimë në periudha të ndryshme të shoqërisë njerëzore. Disa krijime janë shumë të lashta, disa janë më të reja. Për kohën e krijimit të tyre mund të gjykohet nga përmbajtja, nga ngjarjet historike që paraqiten dhe nga aspekte të ndryshme të jetës shoqërore. Në këtë drejtim, këngët e eposit të kreshnikëve, duke përshkruar formacionin shoqëror të kohës kur u krijuan dhe duke treguar ngjarje që lidhen me rrethana të caktuara historike e shoqërore, paraqesin një periudhë të lashtë të historisë së popullit tonë, që lidhet me mesjetën e hershme. Kjo provohet me aspekte të ndryshme të këtyre krijimeve, njëri ndër të cilët janë edhe elementet arkaike në strukturën gramatikore.