“Fjalor etimologjik i gjuhës shqipe” i Kolec Topallit - Fryt i punës së tij 45-vjeçare

Abstract

Në diskutimin e mbajtur në “Seminarin XVIII Ndërkombëtar për Gjuhën, Letërsinë dhe Kulturën Shqiptare” (Tiranë, 18-31 gusht 1996) unë pata shkruar: “Vetë E. Çabej ka qenë i ndërgjegjshëm që punimi i tij “paraqet një varg studimesh e jo një fjalor etimologjik të shqipes”, që ai pra jep gjykime me arsyetime të shtjelluara dhe jo me vështrime kritike të përmbledhura për rezultatet e arritura. Më tej ai vazhdon: “Fjalori etimologjik i shqipes... do të jetë kurorëzimi i një pune shumëvjeçe. Për këtë punë të gjatë e të mundimshme ndërkaq nuk mjaftojnë fuqitë e një njeriu të vetëm. Ajo do të kryhet nga një kolektiv i gatitur ad hoc për këtë detyrë”.