Italoalbanische studien (Studime arbëreshe): Disertacion i Vjenës i vitit 1933 / Eqrem Çabej. Me shtojca nga Oskar E. Pfeiffer dhe Joachim Matzinger. Përgatitur nga Heiner Eichner dhe Joachim Matzinger. - Wiesbaden: Harrassowitz, 2017. - 203 s.; 24 cm. -

Abstract

Duhet thënë që në fillim se na duket disi e habitshme që pikërisht disertacioni vjenez i Eqrem Çabejt, gjuhëtarit më të shquar shqiptar të shekullit XX, ka dremitur që nga viti 1933 deri tani në arkivin e Universitetit të Vjenës. Në fakt ishte i njohur doktorimi i tij në Vjenë me Norbert Joklin dhe Paul Kretschmerin në fushën e indoeuropianistikës dhe dihej edhe titulli i doktoratës së tij, por deri tani nuk ishte parë e nevojshme t’i bëhej i njohur teksti edhe publikut të gjerë. Kjo zbrazëti u mbush më së fundi nga dy gjuhëtarët dhe albanologët vjenezë Heiner Eichner dhe Joachim Matzinger me botimin e origjinalit të gjendur vetëm në një daktiloshkrim dhe në një kopje që gjendet në Shqipëri.