Vrojtimet e Selman Rizës mbi fonetikën e shqipes

Abstract

Selman Riza, ky gjuhëtar tepër i shquar, gjithë veprimtarinë e tij shkencore ia kushtoi problemeve të strukturës gramatikore të shqipes, historisë së saj, standardizimit dhe çështjeve të leksikologjisë dhe të leksikografisë, duke mos lënë anash edhe shumë segmente të tjera që lidheshin në përgjithësi me filologjinë shqiptare. Të gjitha këto fusha i vështroi nga dy kënde të ndryshme: nga gjendja aktuale dhe nga zhvillimi historik i tyre. Në kuadër të të gjitha çështjeve, të cilat ishin shtruar, shpjeguar dhe zgjidhur nga ky, u përshkuan nga një kriter sa i veçantë aq edhe rigoroz sa që në veten e tij me shumë sukses kultivoi edhe ndjenjën e kritikës gjuhësore, duke mbajtur një qëndrim të drejtë dhe fort kërkues në favor të së vërtetës, madje, duke mos kursyer askënd, dhe as edhe vetveten, siç është rasti me studimin e tij me titull Çështje gjuhe të botuar më 1936. Pra, ky korife i madh i letrave të filologjisë, gjithmonë ishte i mprehtë në mendime e gjykime dhe analizat e bëra për shumë çështje merrnin shpjegim e sqarim të ri.