Reflekse të thelbit të konceptit gjuhësor të Sosyrit në terminologji

Abstract

Një nga idetë më themelore të Sosyrit mbi gjuhën, siç është ajo e karakterit sistemor e strukturor të saj në suazën e shenjës, e huazuar prej tij nga shkencat e përpikta e të zbatuara dhe e futur në studimin pothuajse të çdo rrafshi të gjuhës, u bë tërheqëse edhe për studiues që mëtuan të shqyrtonin shtresa më specifike të leksikut e, në mënyrë të veçantë, leksikun terminologjik. I pari që veçoi një fushë të leksikut, në të cilën mund të zbatohej plotësisht koncepti i Sosyrit mbi gjuhën “ si sistem shenjash për të shprehur idetë dhe si sistem i mbyllur në vetvete “, ishte dijetari austriak, Eugjen Vyster. Vysteri i argumentoi dhe i konkretizoi mendimet e veta në mënyrë të hollësishme në veprën e mbrojtur si temë doktorate në vitin 1931 “ Standardizimi ndërkombëtar në teknikë “.