Etika administrative

Abstract

Ky artikull trajton një temë shumë të rëndësishme për epokën tonë krizologjike në fi llim të mileniumit të tretë, etikën dhe moralin, si segment shumë relevant si për jetën shoqërore në përgjithësi ashtu edhe për shërbimin publik. Punimi fokusohet mbi etikën administrative, mbi diskursin etik të shërbyesve të cilët janë të detyruar të veprojnë përmes pozitave publike në emër të interesit publik. Ai i trajton çështjet më kyçe të lidhura me etikën administrative, si: etikën, moralin, lidhjen në mes etikës dhe administratës, administratën publike dhe nëpunësit publik. Në këtë punim është shfrytëzuar një literaturë relevante e Etikës dhe Administratës (Publike dhe Shtetërore), nga e cila kuptohet se çfarë është etika, administrata, nëpunësit dhe ndërlidhje e të tre termeve në një, duke lënë të kuptohet rëndësia e Etikës Administrative, si fushë jo shumë e trajtuar në Evropën Juglindore.