Arsimi dhe shkollat në Kosovë ndërmjet dy luftërave botërore

Apstrakt

Arsimi ndërmjet dy luftërave botërore nuk mund të shqyrtohet i izoluar prej sistemit të atëhershëm ekonomiko-shoqëror dhe prej marrëdhënieve shoqërore në vend. Përkundrazi, është pjesë përbërëse e atij sistemi, sepse ai e diktoi dhe drejtoi udhëheqjen e politikës arsimore në tërë vendin, pra edhe në Kosovë. Kjo do të thotë se politika arsimore në atë kohë ishte ngushtësisht në lidhje me politikën e shtypjes kombëtare dhe të eksploatimit ekonomik të shtresave të gjera popullore nga ana e borgjezisë në pushtet. Në të vërtetë, regjimi i atëhershëm u shpreh në mënyrë deklarative për arsimin e masave të gjera popullore, por, në praktikë, ishte kvejtësisht ndryshe.