Vështrimi i shkurtër i situatës politike në Kosovë (1912—1915)

Abstract

Lidhur me Paktin Ballkanik, për luftë kundër Turqisë, Dimitrije Tucoviq thotë: „Në aksion të përbashkët kundër Turqisë shtetet ballkanike kanë hyrë duke e ndier veten të paafta që secila për vete në të nuk mund t’i dalë në krye. Ndërsa, në rastin e formimit të bllokut-Aleancës ballkanike, për luftë kundër Perandorisë Osmane me pretekst të çlirimit të popujve ballkanikë Dimitrije Tucoviq, në artikullin „Smetnje na Ballkanu” („Pengesat në Ballkan”) ndër të tjera, shkruante: „Nuk mund të bëhet fjalë për çlirimin e popujve të Ballkanit, ngase çlirimet nuk vijnë nga Pallatet dhe kabinetet, të cilat janë në aleancë apo instrumente të eksploatuesve, masha të thjeshta të diplomacive të fuqive të mëdha kapitaliste. Ato duhet të rrjedhin nga poshtë, prej masave të popullit”.