Diskutim rreth problemit të klasifikimit të foljeve në zgjedhime

Abstract

Ndarja e foljeve në zgjedhime, sipas mendimit tim, duhet të përfshijë gjithë foljet, duke futur këtu edhe ato që zakonisht nëpër gramatikat shkollore quhen të parregullta. Parregullësia e tyre përmblidhet në ndryshimet e temës, ndryshime që mund të jenë ose të një karakteri fonetik te për largvajtës, ose që kanë të bëjnë me fenomenin e supletivizmit. Por zgjedhimi në gjuhën shqipe, si edhe në gjuhë të tjera indoevropiane, ka të bëjë kryesisht me sistemin e mbaresave dhe jo me ndryshimet e temës, të cilat mund të jenë të rregullta si në foljet marr — mor-a, heq — hoq-a, sjell — soll-a dhe të parregullta si në foljet ha — hëngr-a, dua — desh-a. Grupimi në zgjedhime edhe i të ashtuquajturave folje të parregullta është i leverdisshëm në pikëpamje praktike.