Bahtijar Kryeziu, Fjalor Onomastik i Malësisë së Bujanovcit, botim i IAP-së, Prishtinë, 2006, 238 f.

Abstract

Prej kohësh në studimet albanologjike, të dhënat e onomastikës dhe hulumtimet e shqyrtiraet e hapëta rreth emrave të viseve (toponimeve) dhe emrave të njerëzve (patronimeve dhe antroponimeve) kanë përbërë një mëtim lë lakmueshëm për studiuesit më në zë. Madje, nuk mund të mos themi se, në hapat e parë të shpjegimeve historike për gjuhën shqipe dhe fazat e hershme të zhvillimit të saj, kanë qenë pikërisht emrat e viseve dhe përgjithësisht emrat e përmendur nëpër mbishkrime, pastaj edhe në shkrime e dokumente të ndryshme, që kanë pasur rolin e dëshmuesve të pranisë së shqipes e të shqiptarëve në trojet e tyre të sotme. Mjafton të përmendim se shumë nga shpjegimet serioze rreth historisë së gjuhës shqipe e, madje, edhe për historinë e popullit shqiptar si vijues i ilirëve, janë shestuar, zhdavaritur e mbështetur pikërisht me të dhënat e onomastikës iliro-shqiptare.