Seminari XXXIII ndërkombëtar për gjuhën, letërsinë dhe kulturën shqiptare

Résumé

Në Prishtinë, nga data 18- 30 gusht 2014 u mbajt “Seminari XXXIII Ndërkombëtar për Gjuhën, Letërsinë dhe Kulturën Shqiptare”, që përkoi dhe me dyzetvjetorin e themelimit të tij. Seminari u organizua nga Universiteti i Prishtinës dhe Universiteti i Tiranës. Në të morën pjesë studiues nga Shqipëria, Kosova, Maqedonia, Italia, Bullgaria, Rusia etj., të cilët kumtuan për çështje të gjuhës, letërsisë e kulturës shqiptare, por edhe probleme të albanologjisë në përgjithësi. Sesionet shkencore për gjuhën dhe letërsinë shqipe, të mbajtura në datat 29-30 gusht, patën dy tema bosht. Sesioni i gjuhës kishte temën “Gjuha shqipe dhe ideologjia”, ndërsa sesioni i letërsisë kishte temën “Letërsia shqipe dhe kodet e mëdha”. Të dyja sesionet u karakterizuan nga fryma e studimore e analitike.