Akademi solemne kushtuar gjuhëtarit Mahir Domi, Tiranë, 13 mars 2015

Résumé

Me nismën e Akademisë së Shkencave të Shqipërisë, në datën 13 mars 2015 u organizua Akademia solemne “Mahir Domi – 100-vjetori i lindjes”. Ky aktivitet erdhi në vazhdën e organizimit të veprimtarive shkencore për nder të figurave të rëndësishme të gjuhësisë shqiptare dhe me rastin e 100-vjetorit të lindjes së Akademikut Mahir Domi. Në të morën pjesë akademikë, kolegë e dashamirë të prof. Mahir Domit, si dhe familjarë të tij. Mbledhja jubilare i zhvilloi punimet në sallën “Aleks Buda” të Akademisë së Shkencave në Tiranë.