Vallja si shprehje e ndjenjave dhe e mendimeve të gruas ne jetën shoqërore

Аннотация

Në vallëzimin tonë popullor tradicional ekzistojnë dy lloje të ndryshme kërcimi: vallet e grave dhe vallet e burrave. Ky veçim i valleve simbas seksit është një nga shfaqjet e dasisë dhe e pabarazisë së gruas me burrin , e pasqyruar nëpërmjet artit të kërcimit, zakon ky që na u trashëgua brez pas brezi, ndoshta, që nga ajo kohë për të cilën Engelsi shkruante: «Antagonizmi i parë i klasave në histori vjen në një kohë me zhvillimin e antagonizmit midis burrit dhe gruas në monogami, dhe shtypja e parë klasore bie në n jë kohë me skllavërimin e seksit femëror nga seksi mashkullor». Ndryshimi i madh midis tyre, i ngritjes së burrit dhe i poshtërimit të gruas, u kushtëzua në vendin tonë, me kalimin e kohës, me ekzistencën dhe veçoritë e sistemit patriarkale atij feudal. Një dëm të madh solli edhe sundimi shekullor i huaj e mbi të gjitha feja, e cila përligjte në radhë të parë shtypjen e gruas. Kështu pabarazia, skllavërimi shpirtëror i gruas, u bë normë e shoqërisë e bazuar në ndarjen klasore dhe u sanksionua në kanunet e egra të shkruara, edhe në ato të pashkruara, që kaluan heshtazi nga njeri brez në tjetrin .