Fantastikja e Mitrush Kutelit dhe Nikolaj Gogolit

Abstract

Bota artistike e Kutelit është një botë, që i ngjan sa realitetit aq dhe fantastikes. Karakteristika e një teksti fantastik, nuk është prania e thjeshtë e dukurive ose e qenieve të mbinatyrshme, por është një proces ngurrimi, që ndodh midis tij dhe lexuesit, kur këtij të fundit i duhet të perceptojë ngjarje të paraqitura. Edhe nga Gogoli fantastikja përdoret me mjeshtëri e me një origjinalitet të veçantë dhe me radhë. Ajo nuk qëndron jashtë jetës së përditshme, por përzihet me të, aq sa nuk e dallon ku është e vërteta e ku nis trillimi. Për mënyrën si trajtohet materiali, fantastikja na kujton Gogolin, tek i cili shpesh nxjerr kryet, rëndom një fantastike qesharake a tragjike njëkohësisht e përrallave, e besimeve popullore. I shpeshtë si figurë në tekstet e Gogolit është djalli.