Institucionet edukativo-arsimore islame në trojet e Maqedonisë së sotme gjatë gjysmës së dytë të shek. XVII

Abstract

Qëllimi i këtij studimi ishte njohja e pozitës gjeografike të Maqedonisë, si dhe përhapja e Islamit dhe institucioneve arsimore islame në këto treva. Pasi libri i Evlija Çelebiut “Sijahatname” konsiderohet si burimi më i saktë dhe më i rëndësishëm i cili përfshin informacione të rëndësishme rreth jetës shoqërore, pedagogjike, kulturore dhe fetare në Maqedoni, në këtë hulumtim do të trajtojmë vetëm sferën edukativo-arsimore, duke përfshirë në mënyrë të detajuar institucionet edukativo-arsimore islame në Maqedoninë e sotme.
Në këtë studim janë përdorur metoda historike dhe analitike. Ai na tregon se ka ekzistuar një numër i madh i institucioneve të rëndësishme arsimore, si xhamitë, mektabatet, medresetë, bibliotekat dhe teqetë, të cilat Evlija Çelebiu i ka përfshirë në librin e tij. Të gjitha këto institucione janë paraqitur në formë tabelare. Evlija Çelebi i ka vizituar disa herë trojet e Maqedonisë së sotme dhe ka dhënë informacion të detajuar për institucione të ndryshme, disa prej të cilave ekzistojnë edhe sot.