Efektet e pandershmërisë akademike tek studentët

Abstract

Pandershmëria akademike e studentëve është një fenomen botëror, nga i cili nuk “shpëton” dhe sistemi ynë arsimor, por ndërsa rastet nga bota publikohen dhe për to merren masa ndëshkuese konkrete, në shkollat tona dëgjojmë përditë raste të kopjimit apo formave të tjera të pandershmërisë akademike dhe shumë pak masa ndëshkuese janë ndërmarrë. Ky studim tenton të zbulojë efektet që ka pandershmëria akademike në formimin e personalitetit të studentit. Pyetje kërkimore të ngritura janë: A ndikon pandershmëria akademike në formimin e personalitetin të studentit? A bëhet më “dembel” studenti që përfi ton nga pandershmëria akademike? Hulumtimi i literaturës është pjesë e rëndësishme e metodologjisë, pasi do të ndihmojë në mbështetjen teorike të studimit dhe për të plotësuar më mirë qëllimin e tij. Ndërkohë, rezulton paraprakisht nisur nga hulumtimi i literaturës që ka një ndikim të pandershmërisë akademike dhe në formimin e personalitetit të studentit.