Agjencia e Zbatimit të Gjuhës Veprimtaria e saj 2019-2023

Аннотация

Në Republikën e Maqedonisë së Veriut, si një vend i shumë etnive dhe gjuhëve, pas Marrëveshjes së Ohrit, 13 gusht 2001, kemi ndryshime kushtetuese dhe me këtë edhe një rregullim tjetër të statusit të gjuhëve. Pas miratimit të Ligjit të Përdorimit të Gjuhëve në Republikën e Maqedonisë së Veriut, nga janari i vitit 2019 dhe pas themelimit të Agjencisë së Zbatimit të Gjuhëve nga marsi 2019, ka përmirësime të statusit të gjuhës shqipe, por ende mbeten vështirësitë në zbatimin e ligjit dhe ka mjaft sfida në përdorimin zyrtar të shqipes. Në këtë punim do të bëjmë një paraqitje të Agjencisë së Zbatimit të Gjuhës, që nga themelimi. Do pasqyrojmë historikun dhe misionin e saj në procesin e zbatimit të gjuhës shqipe në RMV, si gjuhë e dytë zyrtare. Do përmenden disa prej sfidave kryesore në këtë proces të zbatimit të ligjit të gjuhëve, pengesat për përdorimin e gjuhës shqipe si gjuhë zyrtare në vend, krahas maqedonishtes. Qëllimi i këtij punimi është që në mënyrë të përmbledhur të përmenden ngjarjet kryesore që nga themelimi i Agjencisë, si dhe të përshkruhet shkurtimisht procesi i zbatimit të ligjit.